Psalms 17
David thungetna khat.
1 TOPA aw, amaan a kong thumna hong za in; aka kikona na ngai in. b
Ka thungetna na bil na ngat in -
tua in zuauthei muk pan ahi kei hi. c
2 Nang kiang pan ka diktanna hong pai ta hen; d
na mitte in thumaan mu ta hen. e
3 Ka lungtang kanin zanin kei nong sittel zongin, f
kei nong zia-et hangin bangmah na mu kei ding hi; g
ka kam a mawh lo dingin ka khentat khinzo hi.
4 Mihing nasepte tawh kisai-in ahileh -
na muk pana kammal hangin
a ngongtatte lampi pan
keimah ka kikem hi.
5 Nangma lampite ah ka kalsuan-a; h
ka khete a tal kei hi.
6 Pasian aw, hong dawng ding na hi manin nang kong ko hi; i
na bil kei lam hong ngat inla kong thungetna hong za in. j
7 Nangma khut taklama hong honpa aw, k
amau galte panin nang hong beelte
na itna lianpi a lamdanna lak in. l
8 Na mit nauta bangin kei hong kem in; m
na kha liim nuai-ah kei hong sel inla, n
9 kei hong sim migilote le kei hong umcih
thah hong sawm a sithei ka galte panin hong sel in.
10 Amaute in a lungtang kheengte khakcip uh a, o
a kamte un kiphatsakna kam a pau uh hi. p
11 Amaute in kei hong sul zuih uh a tu-in hong umcih in
leilak denna dingin hong mitsuan gega uh hi. q
12 Amaute, sa man nuam humpinelkai gilkial bang uh a, r
sagem a bok humpinelkai lianpi tawh kibang uh hi.
13 Tho in, TOPA aw, amaute maituah a lei denna in;
nangma namsau-in migilote pan kei hong hukhia in. s
14 TOPA aw, leitung nuntakna mah amau lawhtak ahipah,
hih leitung mite panin nangma khutin hong honkhia in. t
Na it kepte gilkialna na daisak a,
a tapate un tampi nei-in
a tate ading hauhna a kholsak lai uh hi. u
15 Kei ka hi leh - thumaanna hangin na maitang ka mu ding hi;
ka khanlawh ciangin nang tawh kibatna mu in ka lungkim ta ding hi. v
Copyright information for
ZomZIV